当前位置:首页 > 话说广州 > 广州典故

茶寮、茶居、茶室

发布时间:2018-03-21     来源:信息时报

白话广州

 饮早茶系广州一项出名嘅习俗,好多外地朋友都知道啦。不过,依然有人唔明,茶寮、茶居、茶室,到底有咩区别?

 其实,“档次”二字可以说明问题。

 旧时嘅茶寮,别名二厘馆,只收二厘钱一盅茶,你就唔使指意会有几好服伺了。茶壶茶碗同你摆好,伙计唔得闲,你就自己招呼自己啦;唔担保有位坐,踎埋一二角亦好常见。不过解渴而已,就唔好计较舒唔舒服啦。

 随住社会发展,茶寮早已消失。而家,你来广州,出名嘅几间都系茶居,亦叫做茶楼,比如陶陶居、荣华楼、莲香楼;另外,老字号酒家亦会经营茶市,比如北园酒家、南园酒家、广州酒家、泮溪酒家……佢哋拿手嘅点心各异,但茶市格局大体相同,多数为客人上好茶,然后厨工推住点心车喺席间叫卖。楼内人声鼎沸,街坊一坐就几粒钟,慢慢消磨时间,好有烟火气息。

 至于茶室,出品会比茶居更考究。点心一定系时令款,茶叶选上品,选择亦比茶居更多。当然,价钱都会贵啲啦。

 传统茶室喺广州好难睇到了。但近年,随住茶客享受要求提高,“即点即蒸、选上好茶叶、复古精致装修、设私密隔间”呢类高级茶室作风,逐渐被茶居所恢复,亦令新一代茶客可以体会到旧时嘅早茶风貌。所以话,生活喺而家嘅人,真系够哂口福啊!